Dezember 2012
Frohe Weihnachten
Vielleicht ...
a bisserl zsammanhuckn – a wenig zuawedruckn,
amal auf langsam schaltn – a wen um die Schultarn halt`n,
mitanand Adventkranz bind’n – a helles Licht anzind’n,
a neichs Rezept probiern – stüll durch’n Wald spazier’n,
sich mit sein Feind versöhnan – und an sein Freind gewöhnan,
dem Nachbar die Kohln bringan – mitanand a Liadle singan,
a kalte Hand berührn – a leises Klingeln gspürn,
an frischn Striezl machen – mitanand ins Bettle kriachn,
auf’s Wünschn nit vagessn – mitanand die Bibl lesn,
auf Kinderfragn hearn – a bissl leiser wearn,
nit mehr so damisch umajagn – a bittre Stund ertragn,
ganz wach sein und ganz offen – und auf sei Ankunft hoffn,
auf de se alle gfrein – dann wird wohl
... Weihnachten sein!
|